ابوذيات للحب

هجرك...
هجرك حيل خايب مرظاني
زعلت وعكب شخصك مرضاني
ترد صدري وتكلي مرظاني
ولاجنك سحكت انتة علية
.................................................
طفت عيني الجنت ياسمر بهاراك
وعشرتك جالوحل صارت بهاراك
ياحالي صفنك ادري بهاراك
وتعض بشفاك عالسويتة بية
.................................................
لساني يعجبك بطكهن ملك لك
وزود البية مو ملكي ملك لك
اذا ربك بعث حارس ملك لك
أخطفك انتة والحارس سوية
...........................................
ردت بلكونة من عندك ولك حس
وجبينك لو عرك بية ولك حس
ضربتك للعظم وصلت ولك حس
أموت تريد أموتن هايهية
.........................................
عسى حد سيفه بنحري عسا كر
ويتيه احساب طعناتة عساكر
آنة الجنت اهد لأجلك عساكر
تلمني وبية هسة تهد علية
......................................
ولك بوادي الشوك احس صوتي دوى لك
ودليلي شموعي الك عشرة دوى لك
أذا كالولك بكتلي دوة الك
شتظن بدواك روحي تعز علية
.......................................
مو ششواي هم كلبي ولك من
وتمندل خايب ابحجيك ولك من
احاجيك وتكلي انتة ولك من
انا استاذك جنت وتلوذ بية
........................................
وشلت منة وتبعني هم لكاني
لكاني وشلكاني هم لكاني
عسل ظنة بعدني هم لكاني
صرت سم وخذت ثارات الية
........................................
احن آنة العشرتك بية سبة
سلبني وصار حادي بية سبة
وحك ذاك الصميدة بية سبة
أخلي اهل الكبور تهد علية
......................................
أريد العشرة أنة اطويهة ولفها
بسبب لأني الغدر بيهة ولفهة
جروحي الفين أحس بيهة ولفهة
ياعدة الفين من تجبل علية
........................................
..........................................

مشكوررررر عنجدحلو

شكرا لحبك فهو معجزتي الأخيرة بعدماولى زمان المعجزات شكرا لحبك

الف شكررررررررررررررررررررر