بنت الخيـال .. الواقـع .. المستحيلـه
مرّت .. على بال : الأمانـي والأحـلام
إحتجتهـا .. مـع إنهـا قبـل ، ليلـه
معاي .. وأحسبها قبل ( عشرة أيـام )
الناعمـة .. أم الكثـيـر .. القليـلـه
الأوله .. أو بالأصـح : كـل الأرقـام
إذا أقبلـت قـدام عيـنـك .. نحيـلـه
وإذا أدبرت ، مالك سوى : جرّ الأنسـام
تمشي .. تحس إن الخطـاوي : بخيلـه
توقف .. تقول : البخل أحياناً [ إكرام ]
حتى الحكي لاسولفـت .. عزتـي لـه
يذوب مابيـن : [ الحيـا ، والتبسّـام ]
السالفه لـو هـي قصيـره ، طويلـه
( شمعة سهر .. بين الأحبّه والأنغـام )
عابر .. لمح فـي مهمهتهـا : سبيلـه
تقول لـه : قـدام .. ويقـول : قـدام
ويقـول لاشـحّ الحكـي مـن مسيلـه
قصايدي .. في وجهك البدري خـزام !
شاعر يدوّر فـي وصوفـك .. وسيلـه
يوصل رغم [ ظلم الصحافة والإعلام ]
من ويـن ماوجهّتـي .. بـتسمعيلـه
لو المساكن [ طين وعششّ وخيـام ]
يالملهمه وإن كـان .. مافيـك حيلـه
مرّي ، على بال : الأمانـي والأحـلام
وانـا مـع الأيـام .. راعـي طويلـه
قاعد على قلـب الليالـي ولا أنـام !
![[ بنت الخيال ، الواقع .. المستحيلة ] ! Vote_rcap](https://2img.net/i/fa/subsilver/vote_rcap.gif){kind=small}
![[ بنت الخيال ، الواقع .. المستحيلة ] ! Voting_bar](https://2img.net/i/fa/subsilver/voting_bar.gif){kind=small}
![[ بنت الخيال ، الواقع .. المستحيلة ] ! Vote_lcap](https://2img.net/i/fa/subsilver/vote_lcap.gif){kind=small}
![[ بنت الخيال ، الواقع .. المستحيلة ] ! Empty](https://2img.net/i/empty.gif)
الإثنين أكتوبر 31, 2011 3:19 pm من طرف sale7-sy
لا مش حامل هههههههههههه