دارمــــــــــــــــــــــيات

الدنيا للتهواه تفتحله بابين
تحميه من الزلات ومصايب البين


الدنيا للتهواه توقفله وقفه
ويضل رشيد الراي محد يعرفه


الدنيا للتهواه ترخيله حبال
تنزل الطيب عليه وتغير الحال


الدنيا للتهواه تطلع لو ثديها
وتقضوا خاف يطيح بثنين ايديها


الدنيا للزنكيل ترقصله جوبي
وأنا الفقر يا ناس شكالي ثوبي


يا التنشد عن الحال ضاقت فرد نوب
ساترني بين الناس خلف الله هالثوب


الرايد يعيش اليوم يتحزم حزام
وما يطلب العونات إلا من الإزلام


تحزمت اليوم بس حظي نايم
تاليها بالعونات اشبع هضايم

خل نفسك بعز دوم بالك تذلها
ولا تطلب الحاجات إلا من أهلها


متوازي والحاجات غياب أهلها
وهذا الوقت للأنذال خلاني أذلها


هذا الوقت مغشوش يا صاحب الراي
الزرع بيش يعيش لو فارق الماي


الوقت بيه يدور وأنت التعدله
صدق ابد ما يصير غيرك يبدله


بت بعد بالدلال جاهل يعت بيه
يبكي من أصيح عليه يقطع من أخليه


بت بعد بالدلال وجروحه تسعين
هم ينفع التضميد للصاير طحين


همك وهم الناس وهم هم الهموم
لو وحده منهن بيك ما تقدر تقوم



همي شكثر يا ناس لو ردت أوصفه
همي بكثر دنياي والباقي يخفى


نتراهن أنا وياك يا هو أكثر هموم
همي بكثر دنياي والباقي مضموم


اوه نداه الروح جي تضحك بساع
ماتدري عندها هموم بكد حصو القاع


متعجب المهموم يشرب جكارة
همي بكثر مانوح تجويني ناره


يا معزبة شيلي الزاد بالهم تغديت
من عقب طاري هواي بالزبدة غصيت


صحت حيل وحيل وباليمنة آوميت
ويا هوا الصحتله دخيل ضم روحه بالبيت


زين أنت ويضل بالبيت الردته فزاع
أنا القلتله دخيل ضم روحه بالقاع


ثاري الزمن غدار سواه بيه
ضحكني ليله ويوم بجاني ميه
بالك تمر بالدار عنها ابعد بعيد
دار العزيز هواي نوح وبجي تريد


عمده أرد أمر بالدار واشبع مغمة
وابجي بجة المفطوم من يذكر أمه


عمدن أريد أمر بالدار والنوح ازيده
واسمع صداها يقول راح التريده


عمدن أريد أمر بالدار لو تشبك رماح
والمعتني الطيبات شي يهمو لو طاح


عب واشتري من السوق وانصبها بيه
أفجرها من تريد تزعل علية


كون الدمع ينشال وبعينه خليك
كل ما حن واشتاق ابجي وأحاجيك


ضايع وادور عليك والدمع بالعين
ثاري القلب خافيك بي الشرايين


كون الحبيب يصير مقلد والبسه
بين النهد والزيج سنتين احبسه
كون الحبيب يصير ترجية بذني
إن قمت وان قعديت ع الخد يحبني


رحت أنا للدكتور شاورني بسكوت
لو ولفك يداويك لو باجر تموت


حاير تدور شبيك وبنص القبور
اذكرها قالت يوم هذا القبر زور


للمقبرة تعنيت رحت انشد الميت
قلت شخذت وياك قال القبر بيت


للمقبرة تعنيت أركض بهمه
يا الدفنت هواي ادفني يمه


الميت شمدريه باليمشي دفان
لو يدري يمشي هواه جان شق الجفان


الميت شمدريه باليمشي جناز
لكن طبع بالروح نمشي ويا العزاز


ما بيا اجيك زحوف مابيه مشاي
زيبق بكف سكران خلتني دنياي

مشكوووور
دارميات حلوة كثير