عميد الشعر الشعبي عريان السيد خلف

السلام عليكم
من روائع عريان السيد خلف



عريان السيد خلف

--------------------------------------------------------------------------------

عريان السيد خلف، شاعر ولد في الاربعينيات من قرننا الساخن، العشرين وامضي في مركبة القصيد والنشيد اربعين سنة مذ كان ابن العشرين.واقل!!

جاء من جنوب القلب وجنونه، ادركته موالات الاهوار وثلج الناصرية ونارها. موشوم بالوطن، وسنابل الاغنيات الفراتية الملغزة. وظمأ العطاشي في بلاد المياه الازلية، والنار الازلية. وتلك الهوسات التي جعلت ماسورات البنادق ذات رائحة مثل رائحة الشمس والطين الحري وأناشيد سومر.

دائما يعلق جرساً في صوته، وايضا بحة الناي! انه يرينا الألوان مثل البكاء والغناء ، حين تشع من الشعر بالاحمر العندم ، مرة.. او بالاخضر العميق حتي يتأوه اللون الرمادي علي سطوح تلك الأكواخ الصفر الذهب وهي تعط برائحة الهيل والقهوة، مضايف للغادي والفادي، وايضا لذلك الترف/ المايع عشقاً وشوقاً:

خاف تموت

يا مايع ترافه،

أتهيب امن احويك

خاف أصعب عليك

وخاف

بيدي تموت

عله طوالك اشعلني وصيح بيه الصوت

انه بطرك النفس.. بين الحيا.. والموت وخاف تموت!..

ورد قليل، اذا.. ورد كثير، لا يهم!

ان صاحب تل الورد ، و الكمر والديرة ، يجمعنا الليلة وكل ليلة، علي محبة الفرات وعند محجة السنابل والترحال النبيل.ربما، يلملم سعادات متأخرة، او مؤجلة، ليقدمها لنا نخب ارواحنا التائهة، وآمالنا المبحوحة !

فالورد، الذي ينتر، بعضه من شتلات قلبه وشغافه، وكله من جمر الوقائع والحالات والسنين والتعب المجيد، وايضا من بلاغة الجنوب والجنون! .. بوحاً مسلحاً بالمني الخضر، ببقايا الامل، والألم الغزير..وفي ذاك غناء، وغني، هو، مثل مصائرنا: مخدوع بالامل النبيل، ومزنر بالعناد الجميل!

لنغتسل برنينه وانينه وضميره!

ننهض به، ونرفض، وننتفض!

ـحتي لو كانت (احلامنا) و (آمالنا) غرقي في غرين العتم، وزماننا يتيه في عري الوعود والعهود! فالشعر، الليلة وكل ليلة، يولم وليمة الغد، مبارك ومعذور، ومنذور، ومغدور، فهو ضمير وردنا الذي لم يذبل بعد، ورائحة شمسنا التي لن تنطفيء! وقف ذات اذي بين جدران قاسية، لينظر بعينين جنوبيتين الي تلك القامة (البغدادية) المديدة، والصوت (الاوبرالي) الصادح.وبين لمعة عينيه، القي قصيدة شبابه اليافع، صفقت القلوب التي لم تتبعها العتمات، وعلق واحد من الحرس العتيق: (هذا شعر، ريفي، خالص).

اذ ذاك اعترف مظفر النواب للفتي الجنوبي الموشوم بالثورة:

(انك لشاعر، وهذا شعر!)

كأنه قال له: هذا خبز! المعني في عافية الاعتراف، شهادة لكن تلك الشهادة كانت الثانية ، فقد عرفت سومر، اولا، وريثها في (ناصرية) الثلج والنار، الاهوار والماسورات الساخنة وكرسته صوتاً يخترق صمت الطيور حين يجن ليل الماء الازرق، فأعطته زوادة من خبز الكلمات وجمرة المنتهي، وزنرته بالهوسات والنخوة والبوح الجارح.

رفاقه الواثبون عرفوا كلماته باكرا، وتحلقوا حول اساها المر، لانها مسقية من الماء نفسه، ولابئة في الظمأ نفسه! مذ عز علي (الشاب) الطيب، الذاكي، كي يقاتل برائحة سنابله في زمن الجدب، وعلي الحسين ان ينتصر بقطرة ماء في (طف) البلاء، وكربه الاعزل.

شعر عريان السيد خلف، مثل (تل الورد) ميئوس من موته!

حميميته في صدقه، وبيئيته في اكتناز اللحظة والامساك بجمرتها او ضحكتها.. او غدرها!

لم يتلعثم بشعره، بداعي المدينة والحداثة! لكن شعره مفهوم ومستجاب اليه من ابن المدينة والحداثيين معا، لأن (صمته) يتحرر! كرسه الجنوب،.. نعم، قبل المدينة

ثم كرسته المدينة، لجنوبها وجنونها..!

فمن شهقه الطين الحري فخر وقائع سنوات اللهب والتعب والحب ، وغمسه في فرح السنابل وحزنها الشاحب وذلك العرق السيد تفيض به السواعد والجبال والجباه والمناجل.لذا، فهو ليس شاعر (العامية العربية) لجنوب العراق، وان كانت امتيازا، لكنه شاعر التطلعات، التي لا تنقطع،. بل تتماسك في تباعدها القسري ونأيها المفروض. ان شعره ليس (اغنية فولكلورية)، لكنه يمتاح من وجدان يغني ويصلح لتزيين التراث الشعبي برنة صوته ونبر معالجته للكلمة المستلفة من قاعها المائي، او من اذي القلوب واسي السياسات.صحيح ان لقصيدته موضوعها الوجداني، المستقل، لكنه سرعان ما يغدو مناسبة عامة فالموضوع (المستقل) هو المشترك الاعظم في الوجدان الشعبي ــ هكذا ينحو عريان بشعره، لذا فهو يبوح، ثم يصدح: ودائما يفوح بعطر (تل الورد)، ودائما بضوء (قمر الديرة) !

تصحو الابوذيات وانينها في شعره ، وتصحو البطولات (المنسية)، والهوسات، ففي شعره (تاريخ عاطفي) و(تاريخ واجبات) عامة، وان بدت خاصة!

(البطل) فيها،. هو العراق، لكنه ليس (عراقا) عائما في الاحتمالات، او غائما في المحن، بل النافر، الناظر الي بعيد، مثل بروميثيوس المقيد، الحر.. في آن.

لا يقف شعر عريان عند العراق المنذور للمكاره والنوازل، بل يتجاوز ذلك الي العراق الذي يرتقي بقامته، مثل النخل ، حتي لو قطعت رؤوسها، ومثل الحسين، يبقي في ذاكرة الحزن لكنه يغير، ويتغير، في الابطال الذي نذروا حياتهم الي الغد، مثل (خالد) (ابو محيسن) النخوة، والاهوار، والكفاح العادل.لا مسرات صغيرة، ولا احزان متواضعة في شعره.

ففي شعر عريان المسرات تنبع من الاوجاع والاحزان لكنها تتولد الحاضر كي ينهض بالغد، الحر، السعيد، وبالوطن الاجمل والارحب لابنائه الخلص. نعم.. في شعره عذوبة الفراق وعطشه حين يحبس مجراه عن ناسه ورواته، فيتحول الشهيد العطش. الظمآن، الي راوي، يعطي من دمه النازف وبوجه المسلح، ما تعجز عنه الاسطورة لانه مادتها وصلبها المقاوم. ينصت الي نبض نفسه، وصوت صمته، ومرات لهزيمة دمه او دمعه ، او خلجات حبه، كذلك يفعل الشهيد، الشاهد في شعر الموت الموقوت والمؤجل ، وفي الوفاء والكبرياء والدوران في المنافي المسيجة بالامل والمخدوعة به في آن.

شعر عريان، (شايل) خوف الوطن وجسارة الارض والماء، كما (خوف الحديثات) الصبايا اليانعات (المايعات) حبا، والماسورات، المفاخرات بطعم البارود.

لا وطن بلا نشيد او نشيج!

الوطن لا يقدم (مبررات) حبه، او موته المؤقت، فهو اله خصب نفسه، تموز في الامنتهاه.. وفي عوداته الواثقان فدائما هناك (عشتار) تنتظر.. لذا نقرأ قصائد الشجن المعايذ ونستمع الي الشجي الفارس والألم المسلح بالكفاح وبالمقاومة كي تغتسل (بابل) من اوجاعها وحرائق طغاتها. لذا تري الي شعر عريان السيد خلف، مسموعا يتلي ، فتتلمس بلاغة محنة الصوت، فتؤمن بانه الاعلن فناً كبلاغة البساطة، وبلاغة الرغيف والجنوب، والنضال الدامي المهيب، ولذا ايضا لم يقدم عريان شهادة مجروحة عن ناس الاهوار وناس المعضلات والمعاناة، الذين احبهم، والذين نحبهم ونمجد فعالهم المشعة، بل قدم شهادة مجرحة وان تجاوزت الجرح او غارت في أساه، فالمنكوب والمظلوم، له حصة انسانية، في (تل الورد)، تماما، كما في (القمر والديرة) ودواونيه الاخر ، وخطاب القصيد بعامة، فقصائده لا تتساهل، تحرض ضد الظلم وضد الظلمة وضد الظالم. لانها تضيء، وسط ليل العتمات ومنافي الروح، قبل ان تضيء وسط جلجلة المسرات والحب المستحيل، او العقاب المر. يقف عريان امام حضارية الشعر، وركام مفاخره وابداعه، منذ رثاء اور اول قصيدة كتبتها علي الطين، اول شاعرة اكدية ــ سومرية هي المترفه الاميرة انخدوانا ابنة سرجون الاكدي، وحتي اخر قصيدة للجواهري والبياتي ومصطفي جمال الدين والسياب وبلند الحيدري ورشدي العامل، والرصافي والزهاوي والشبيبي، و.. حشد الذين رحلوا، وظلوا احياء.
لكن ما يميز قامة قصائده، ليست حماسيتها ، بل تلك النعومة الخشنة في اوجاعها وافراحها، فالوجع وان تبدي كاملا فهو ناقص، والفرح وان تبدي طليقا فهو محبوس، في نتاج عريان.. ذلك ان الصورة في شعره صنو الحسجة الفراتية، تضمر وتشير. لذا لا تتدثر قصائد عريان بالمناسبة كأنها وثيقة، بل يمتص الشاعر رحيقها، او ينقر تينتها، مثل بلبلة المشهور، ليغطيها بالطين بعد ان يملأها بالماء، فتتخمر، فيعود ليثب سطح الطين ويحتسي نبيذه المصنوع من كده، فيسكر حتي الثمالة! شعر عريان، مثل جنة بلاده ونارها، لما يزل في كفتي ميزان الابداع، لا الالم يرجح كفته، ولا الفرح، لا الورد يذبل في التل، ولا القمر غاب عن الديرة!!

عريان السيد خلف (1945):

ــ في أمسيته التي نظمها له المجمع الثقافي/ ابوظبي/ وقدمناه فيها الي جمهور تجاوب ، يطلب ويتطلب، قرأ خمساً وعشرين قصيدة من ديوانه تل الورد اخر اصدارته (بغداد 1998) ، ومن اول اصداراته الكمر والديرة (1970 ــ 1971) .. كا قرأ من قبل ليله مجموعته الثانية (73 ــ 1974) و(اوراق ومواسم) مجموعته الثالثة (75 ــ 1976) وايضا من شفاعات الوجد الديوان المشترك مع مظفر النواب الذي صدر عن دار المسار بعمان (1995) .. وطلب الجمهور، مثلما طلب هلي وسواها صياد الهموم من ديوانه الذي حمل العنوان نفسه، والصادر عن دار الكتاب العربي بلندن (1996) .كما قرأ (مذكرات) ابي محيسن (خالد) التي كتبها علي اوراق سكائر اللف (البافرا) وحين لم يجد ما يدخنه (دخن) مذكراته! بطل الاهوار الذي اطلق شمسين حمراوين من الماء وجعل الطين يخضر، ذاك الذي استشهد في الاهوار ليغسل وجه المدينة من الادران وليغسل وجه الصبح، ايضا (هلي) ــ العنوان الذي احتوي هذه المذكرات، لكونها رسائل للغد موجهة الي (اهله) جميعا.

ــ كما قرأ حنين وملامة اخر نص كتبه بعد تجواله الاخير بين (منافي) العراقيين، وغرباتهم.. اتكا علي عتاب (ذلك) الذي يستحق العتاب!

ــ طالبه الجمهور بقراءة جيفارا الذي ظل الحلم يحلم به، ومازال امل الذين فقدوا الامل في الثورات . وقرأ قلبي علي وطني و القيامة و اهدي قصيدة الي مظفر النواب ووقف حدادا علي ارواح شهدائنا وشهداء فلسطين.

كما استجاب لجمهوره فقرأ بحسب طلبهم، عادرك فاشتعل دم الحبيب بدم المحبوب، وحين قرأ مغرور و كنطاري و خاف تموت و العيد و ما مرتاح ، قدم ايضا لوحة ولمحة للوجه الذي يحب.
كما قرأ الشاهد و سابع بيت و بعد لا تظن و خضر اليابس ، حاول ان يسد شباك حسن الحبيبة، فما استطاع، لأن شباكها، تماما مثل شباك وفيقة السياب، ظل مفتوحاً، وما يزال، علي روحه! فناشدها ان ترد، ولم ترد! وطالبها ان تستريح براحته لكنها مازالت مشتعلة بدمه من بعيد! ثم قدم: دارميات و مواويل له ومن شعر غيره، قص حكاياتها للجمهور، فامتلأت الامسية بالمعني والمسمي: شعر عراقي اصيل، وفرادة!


--------------------------------------------------------------------------------


--------------------------------------------------------------------------------

مكتوبة


جيٌة العيد:

قصيده تين العجم

تعبان

ما ترتاح

اوراق يومية

المرثية الأخيرة

قلبي على وطني

عاذرك

اخذني وياك

لاتجينه

تــل الـورد

غريبة


--------------------------------------------------------------------------------

جيٌة العيد:

--------------------------------------------------------------------------------

يناهي الشوك ذمٌـه وذات من ذات

وفرق مابين حالي وحالك إبعيــــد

سنه وصدٌك يِضَـوك الروح لوعات

ويجَملٌي الجروح جروح ويزيــــــد

أبات إبحضن صبري إليالي ويباتْ

جرح يصحه وجرح متغصٌب إيزيــــد

وأكًًول إشوالف السرحان للشــاة

إعله سـجٌه وكًاوداه الإيـيد بالإييـــد

إلك جـانت يحلو الطول جيـات

عجب تبخل علينه إبجيٌـة العيـــــد

تنينه وأملينه إجفونـٌه إبطيفْ

وصبرنه وصبـٌرينه الآه بـــــالآه

وتحسفنه الحســافه وحيف عالحيـف

عله إسواجي الدموع المالهن جـــــاه

إشيصير إعله الترف لو ينحسب ضيف

إعله غفله وعيد وصل الزين محــــلاه

أنه إبعازة الموت وحاجبك ســيف

وأمــوت إبغير صدٌة غيض ماريـــد

إلك جانت يحلو الطول جيـٌات

عجب تبخل علينه إبجيٌـة العيـــد

أحن لمسامرك ولكًاك شلكًاك

شَرِي المعشر حلاوة شــوك مابيــــك

ويمر صيفك صبر وتنَطٌر إشتــاك

تبيعك عزتـٌــك وبذلـٌـتي أشريـــك

يبو الروح إعله روح إهواك شلهــاك

وإهي إبعيـن الشفاكًـه إليالي تِربيــك

أبد ماسامرتها الآه لولاكْ

ولا جـان إعله دربك لاويــه الجيـــد

إلك جانت يحلو الطول جيـٌات

عجب تبخل علينه إبجيٌـة العيـــد

أنه ولا كًـول عنـٌك غير معذور

ولَو ماظَلْ عذر للروح ينكًــــال

لـَجَنْ ون ايساهر ليل معـذور

ألم لو من وكت لو من ولف شــــال

وانه إبحالي إعله صبرك حال مزهــور

صبر ومكابر المحتـــام جَتـــٌال

إلك عمري إعله زين وشين منذور

ولَو من السنيــن إوشال ما ظـــال

لـَـجَنْ يبقه الجفن للعين مسحور

ويظل راكد عليها النوم تركيــــد

إلك جانت يحلو الطول جيـٌات

عجب تبخل علينه إبجيٌـة العيـــد

--------------------------------------------------------------------------------

قصيده تين العجم
--------------------------------------------------------------------------------

بعد مايحتاج تِتعذرّ

من نِشفـَتْ الشِفـٌه

ولونها اتغيـّر

من ثلج البديك .. يصِل صِليل وداع

والحجي السِلس بلسانك اتعثرّ

من ظلمة عيونك

والشمس رُمحيـنْ

جلجل ليلهن وتحزٌمَنْ بالشـَر

من رجفة جفوفك

والبرد بالكـَيض

علامة قـلب صاح الصاحبه اتـنكـّر

يامثـَنـٌي الخواصـِر

والحمول ثـكَــال

إحمولَك عِفـَه

وعـَل الخصر تتبطـّر

ياحايل ثمر .. من الجدم للراس

كل حايل ثمر

معذور من يغتـــَـرْ

ياهمزة وصل

سبحان من ســوّاك

والخـَلـّه الظبي اعله النمر يتنمّــر

يل كـِلـّك تَــرَفْ

وشصار هالطغيــان

ربك فوكَ كل جبار يتجّبــر

ياتين العجم.. ياطعم خمرة دير

تـِسـكًًيـَني ابكـرم

وتلومني من اسكـــر

من تِدلع غـَــنَج

عندك عذر مقبول

رمـّــانك لـَــحَكَ

والزيج ما ينــْزَر

--------------------------------------------------------------------------------

تعبان
--------------------------------------------------------------------------------

لوتدري اشكثر تعبــان ؟

ألهث والدموع إيخضّر اله السان

تلتم بالدمع سجة عله مدّ الشـوف

وادكَ السوالف بالعتاب ايشــــــان

تعبان!!

أشتم الصبرمن واهس المهضـــــوم

من صبر الشمس من شوك المغنين

واحزن ترس حيلي الهم حزن معدان

ما تطفه الشمس ما ينجفي الفنجـــــان

ما تلتم إديّه بعين هـــــــــــــــذا وذاك

ماجول الخشب حدر الخشب لولان

ما ولياحد وياحد؟؟؟

ترَ طبع الجروح ، الآخ ، من تبرد!!!

وآنه وروحي : كفر واسلام

بين السكتة تتوحـــــــــد

آنه اوياك بدرب جدميـن

نمشي اشما جزانه الحــد

واحس روحي فرح سفان

أهب الريح بشراعــــــــه

انه اوياك الهرش والطيـن

يمتد الهرش لو حوتمت كَاعه

انه اوياك الزمر والبين يتلاكَن مكَص لودكت الساعه

--------------------------------------------------------------------------------

ما ترتاح
--------------------------------------------------------------------------------

ما ترتاح… لأن سدَّيت اذانك من ضميرك صاح

وهي مزنه… ثجيله أو عاصفه أو حالوب

يريد لهن سكف مصبوب موش ألواح

ريح امسودنة بيهَ المعمرة أتطيح… ونته أعواد حلفه أمنيلك سباح

جان الريح شامل والغثيث أيضيع… بس من صفه الحاصل شالك المرواح

بالزرع الجثير أيشيه شوف العين… والنبته الخبيثه أتفوت عالفلاح

ما ترتاح.. من هاج البحر وابعد علينه الكَيش.....

غادرت السفينه أو خنت بالملّاح

أو حشَّمت العواصف والمطر والروج…لذكرت الربه او لاكلت بيه أرواح

صحبة عمر جانت والعمر دربين… أشو باوَّل الخطوة أو ماي وجهك طاح

أو خاويت العفن والقذر والممروض… أو ماشيت الودر والزفر واللفاح

أو من هاجت الدنيه أوزره أوياك الحال… غطَّوا روسهم والداح منهم داح

ما ترتاح… لأن ندبه أبضميرك والجبيل أبخيت والشاره التحركَك عمر ما تنزاح

--------------------------------------------------------------------------------

اوراق يومية
--------------------------------------------------------------------------------

جور....

اشما طفح غيظك على الناس

سليل الظيم الك بالساس نداس

لون تكبر حقد

نكبر علامات

وكذب شمس الظهر بالباع تنجاس

تذل كثره الكصص

حد لطخة الطين

وكصصنه...

ابشدة التاريخ تنباس

فرق بين اليبيع اسمه وسجاياه

وما بين الوفي

المادنك الراس

ومن بين الحزن والاه والياويل

ومن ركبت طفل..

ما كاوت الميل

ومن بين العطش

والجوع.. والنار

ومن بين الثواجل والمجاتيل

ومن بين الصبر والطيف والحيف

ومن بين الجفوف المالهن حيل

لون ليل الغدر يكبر علامات

نشع نجمة صبح ونشتت الليل..

مهو وحدة الصدى الصادك مع الصوت

وابن ليلة غوه اليتهيب الموت

هلج يا كاع لا ترجف حناياج

يخون اسمه النجه ابروحه و تعداج

ولون هبت عكس ريح التغاريب

وسحب روحه السمه

احنه عيونه اسماج

ذره ايامج كحل واسمج مواويل

ودمنه ايهون الج لو غيرنه انطاج

وحك ليل الجرح والويل والحيل

العثره اشما تصير ايفوته السيل

وحك ملح الخبز والطيب واللون

يمر الموت بينه وما يمرون

والمنازل شرعبت للنار والنار

تشب.. هلبت تفرزن دار من دار

يلطخ صفحة الانجيل كانوص

ويلوث صفحة القران غدار

ويساوم على الشرف والناس جاسوس

ويبيع ويشتري المهزوز الافكار

وحك ملح الخبز والطيب واللون

يمر الموت بينه وما يمرون

وتهون..

اشما طفح ميزانها تهون

الوكت صهوة مهر وتجيب البطون

وعرفنه السلطوا سيف الوصايات

باسمنه شكد حجوا

وشكد يجذبون

وعرفنه الريح من تقسي ويه الاشجار

يوهسا الكطع بالخاويه ودون

الشمس غاية وشرف لليعشك النور

ودرب قرص الشمس من كال مامون

وحك اخر وصيه من اليطيحون

يمر الموت بينه وما يمرون

--------------------------------------------------------------------------------

المرثية الأخيرة
--------------------------------------------------------------------------------

منايانه غفل والدنية غدارة

وفواتحنة أكثرت والدمع يتجارة

وشارتنا الكبل .. جانت مثل للناس

هسه احنه النخاف اتلوحنه الشارة

جنه اعله المنايا انفوت متعنين

وعله زمور التفك لو ثار نتباره

وجان المشتهينه اندك عليه الباب

ونخلي اعلى راسه الفشك كبارة

وجان الموت يصفن من علينه ايفوت

ومن نصرخ ابوجهه ايبدل افكاره

حزب جان اليمسه ايموت كبل الموت

وعلى هاي الشمايل كبرت زغاره

نمشي ابطولنا وبالفخر متحزمين

ويسورب ورانه التكثر اعذاره

صفينه انشاكف الطك بالاسف والحيف

وندور عالبخيت انلوذ بكتارة

ياموت العفه ارحمني برصاصة موت

ولاعيشن دجاجة بيت دواره

سلام ابايسكله ايدور الولايات

ولا يمشن وراه خمسين سياره

وابو كريم نصير وشعل كردستان

وظلت كل رفاقه اتسولف اخباره

وحسن نايب عريف وغير التاريخ

وثاير ماتحمه ابنار ثواره

وابو محيسن ترف ويخوض ماي الهور

وبدمه الكصب يتعالن اكصاره

ياحزب الفواتح ياطريق الموت

ايمام الما يعور يستحي الزاره

ياحزب الضحايا ... امجتفين اجتاف

نتنطر سرانه يحين مشواره

شني فود النخل لو طال بيه الطول

والارض الخبيثة اتحوش جماره

يبن صالح وحكك.. وحك دم سعدون

وحك ثارك الطاح وما طفت ناره

وحك ضحكة اعيونك والدعابة البيك

ردتك ساعة الطك تنجوي بناره

بس يافشلتي ويا فشلة الحبوك

( جتل خنزير محد ياخذ ابثاره )

--------------------------------------------------------------------------------

كلبي على وطني إلى الشاعر عدنان الصائغ
--------------------------------------------------------------------------------

إلى الشاعر عدنان الصائغ

يا وطني الموشوم بالقنابل

يا وطن الأشجار والأنهار والجداول

يا وطن الأديان والإيمان والتساهل

يا وطن الأشعار والإصرار والتفاؤل

يا وطني المقتول والمقاتل

إنزف صبر يا وطن.. بيّه إلك ميّة جرح

كلما يهيد الألم بجروحي أذرّ الملح

أفديك يا وطني لو مية مرّة أنذبح

وأشرب نخب هيبتك من المسا للصبح

مثلك محب ما إلي ومثلك جرح ما يصح

يا رمح بضمايري لا خطه ولا صابني

كلبي على وطني

كلبي على وطني وي رشفة الفنجان

وبكل تحية صبح من حايط الجيران

لو ما أنت يا حيرتي ما كان كل ما كان

من غير أرض وأهل ما قيمة الإنسان

بس يا خسارة الأهل

من حط رحالة الجمل..

ويّاك علو الجبل

ولا رخص علج أجنبي تتخضّع وتنحني

كلبي على وطني

كلبي على وطني وي كل سحابة تفوت

وعن كل بطل ما بخل فوك التراب يموت

وعن كل دمع من يشع عالخد يكع بسكوت

وعن كل كمر لو ظهر.. وبحزن روحي انتحر

والطير فوك الشجر

ينشد بأعذب صوت

الماي من ينغلي من لوعته يغني:

آنه أنجوي بطيبتي وكل حي طلع مني

كلبي على وطني..

أهواك يا وطني لو جنتك ناري!!

وانزفلك الدم شعر واهديلك أشعاري

كل يوم نكعد سوه وأحجيلك أسراري

تفكدني من أبتعد وتزورني بداري

وأبجيلك ابلا دمع وأشرحلك الجاري

معذور من سرني

ومعذور من لامني

كلبي على وطني

كلبي على وطني الكل عمري جان الأهم

أسكيه بمي دمعتي ويسكيني كاس الندم

أنطيته حلم العمر ونطاني جنّة وهم

واني مثل هالبشر هم روح دم ولحم

ما ضعف حبي إله

ولا غيّرت مسكني

كلبي على وطني

بالحرب شلتك نبض من ساتر لساتر

وشرّبتك بخوذتي من حبّك الطاهر

تغفه اعله سبّابتي ويبقه الكلب ساهر

ومن ضاك بيك الوكت انطيتك اخواني

كلما تذبّل كمر تطلب كمر ثاني!!

لا جيت عزّيتني ولا شاركت حزني

أشكيك يا منيتي لو تشتكي مني؟

كلبي على وطني

كلبي على وطني كلما تدك صافرة

وكلما قذيفة غدر تنطلق من طائرة

وعن كل طفل منذهل وعن نظرته الحايره

وكل قنبلة لو إجت وبأرضك اتفجّرت

اتفجّر الحالتي وبجفوفك أتناثر

أحزانّه صوغتك وأيامنه امكابر

وبس الحزن والألم من شجرتك ينْجني

كلبي على وطني

كلبي على وطني وباجر يرشني الفرح

تحت السمه الحالمة واضحك بكل المرح

انسه الجرح والألم واحرك أوراق الندم

ومعذور ذاك الوكت لو بيه ضحك سني

كلبي على وطني

--------------------------------------------------------------------------------

عاذرك
--------------------------------------------------------------------------------

كاسرت عمري اعله عمرك

كطعت ليش.... وحِـركتك

جويه مني وجويه منّك

ونتشيت . . استاهلك شهكة عوافي

وخيّبت ظني . . وصدك ويّاي ظنك

ماكلت عنك . . عرك جفّك ابجفّي

ولا كلت جاسك زعل

واشتعل دمي ابنار دمّك

أصعر . . وتستسهل . . اتشاغل خيالي

وياخذك غيّك . . خرز خلخال . . تِـطّــشّـر وألمّك

ومدري ليش . . أتمايزك وردة اكرنفل

اِتّيه روحي ابريحتك

واحتار من ياصفحه اشمّك

أختلي ابحسنك . . وافج كلبي واطلعك

تلعب ابعمري . . وخاف الغير يندلّـك وأضمّك

خاف تاخذني . . اعله بستانك فرحِتي

وخاف تكبر حيرتي

وحسنك يغرّك

خاف تِطشّر ولك . . وشلون المّك ! ؟

كالو : ايحبك ! !

كلت من شاف كلبه ؟

وجبّست دمعي . .

وسكن نبض الكلب . .

عن لا يذمّك

تِرسْ جفّي . . اسوالفك وحده اعله وحده

وعرك جيدك زمزمي . .

وخجلان تتعذّر !

واكلّك : لايهمّك

من تجِسني اشفايفك

تاخذني غيبه !

ومن تِرِشْني ابمزنِتَك . . ولهان افز . .

لن روحي يمّك ؟

اختلي ابحسنك . . وأفج كلبي واطلعك

تلعب ابعمري . . وخاف الغير يندلّك وأضمّك

وخاف تطّشّر خرز . .

وشلون المّك ؟

اشجان ضرّك . .

تختصر بعدك عليه ؟

وكلّي شكرات وحمد

للمختصر . . حسنك ابخصرك

تشرب معافي . . حناني ولهفتي

وتسكر ابدمي . .

وتنتشي ابغيّ الشذى . .

وتتعزّل اعزال من اجرّك

من جمعني وياك ؟

من شدني . . ويه طولك . .

طعّمك بيّه

وصرت حلوك ومرّك

لنها ما بالغبشه . . غبشه . . ابغير عينك

خاف اترزبيك .. حد كطع النفس

وازهك واضرك !

خاف تطشر خرز ..

وشلون المك ؟

ومن كبل .. كل شوكه عمري من الطوارف

حسبت مثل الوداد .. الفات ودك

من كبل .. وآنه الورع كحل اجفوني

وجنت اظن :

وكت التهد بيه روحي اهدك ..

لني كلما فززن صبري الليالي ..

وخان وكتي

اتوسلك .. هدوة كت خليني عندك

اوعاذرك .. لو هدل عودك ..

من كدر يحمل حسن مثلك وكدك ؟

غاذرك تغلط ابحكي ..

وتبخل ابظلك على النايم ابسدك

عاذرك تغتاض ..

بس من غير شاره ..

وشارتك هالبينت

ودخيل جدك

عاذرك .. عن لايهم كلبك ابهمي

وتنترس عينك دمع

وتنترس عينك دمع

--------------------------------------------------------------------------------

اخذني وياك
--------------------------------------------------------------------------------

جملني بعد كطره وخذني وياك

هناك الفيض كلبك

حتى روحي تنام

عصفورة جرف بلل جنحها الكيض

اخذني وياك

امشي ابغير واهس

والطواري كصار

وعيوني غرب وجفوف اديه اوداع

واسمي ابغير معنى

وميل كحلك غاب

وتنشدني اعله كلبي !

كلبي حب وذاب

ياكلبي حلك تنور لو سرداب ؟

صوغني ولو من ليلكم نجمه

تبات وياي

ومن تشبع سهر

ويجيسها الوهواس

اطفيها ابصبح

والغبشه رشكه ماي

واشعلني ولع

يدوي العطش بالعود

حتى انزع جلد روحي

وارد لصباي

أملني الفرح بسمك ورد عالباب

فاحت ريحته ولنك بعد ماجاي

بعد ماجاي !!

من ياصوت أصيحك ؟

والصدى ايجاريك

واكلك : مكدرت يالتكدر ابلياي

--------------------------------------------------------------------------------

لاتجينه
--------------------------------------------------------------------------------

لاتجينه لاتجينه !!

جان كلت : ابو حبه الأبيض

غير معشركم لكينه

جينه مشتاكين

وبلهفه

او تسد بابك علينه

جينه يدفعنه الهوى اودمعاتنه اتكطر بدينه

او جنت اظن عندك وفه

او روحيته

من فرد طينه

غمكت جرح الجفه

او زدت

الكلب ونه لونينه

اعتب اعله الروح جي لنها اعله ريحتكم حنينه

واتب اعله الشوك والعشرة اوسوالفها الحزينه

علمتني اشلون يتبره

الخوي

او حمل اليكع محد يعينه

عفيه صحبة هالوكت

بيها اليجافي

اشوكح عينه !!

اولا تجينه !!

- ما اجيكم

واليدك بابك بعد تنشل يمينه

اوجينه

مدري الجدم زل بينه اعله دربك

لوعمينه

اوجيت ارد روحي

البكت سنتين

بديارك رهينه

او جني ضيف !

اوعادة الينضاف

للخطار

يرخص ماي عينه

وانته

ماجنك ربيت ابماينه

او شارب حنانه

وانكرت حتى العرف

يوم الوكت

بيدك رمانه

عفيه كلبك هلبت ابساعة

وفيه

وبالك طرانه

اوجينه نشجيلك

عذاب اجروحنه

او لوعة هوانه

آخ يا دمعك فلا يبطل

يهل

لمن عمانه

ياعفه اكلوب التشيل

الظيم

وشنحمل عفانه

اوحتى اعز الناس من طحنه

ابهظم

جاروا علينه

اومن وصيلنه لدارهم كالوا :

- اشجابك ؟

لاتجينه !

عفيه صحبه هالوكت

بيها التجافي

اشوكح !

عينه

--------------------------------------------------------------------------------

تــل الـورد
--------------------------------------------------------------------------------

عاتبني ابعتابك خل ترد روحي

اوهسني . . ابدلالك . . ياشتل شمام

حتى ازهك . . وشوفك وينها اجروحي

بيه اشبع غرورك . .

يا أعز جتال

يتمايل غنج لو بيه . . ثكل نوحي

تعاتبني اعله حالك . .

صار بيك الصار

جاشدل اجروحك هاي وشتوحي

كبل حبك . . جبل مالاح طرفي السيل

هسه اول زخاخ

ايغطن سفوحي !

ومنك ماروت يدعج بعد روحي

ولا رادت . . ولاسمعت . . ولاحبت

لاتحمل ((نجاة)) ابليل لوغنت

اعلمها الورع . . واطبك عليها الباب

تذكر ضحكتك . . واجهرت ماعنت

لا لامتك ليش . . وشوفك اصبح طيف

اشلون ابعدت عنها . .

اشلون ماجنت !

وعيونك ابغير عيونها اتهنت

وجفوفك ابغير اجروحها اتحنت

يا تل الورد . . تل آخر السباح

حته اطفه . . من اشوف ارويحتي انتلت

كلت انجفه الماي . .

وذبل عود الياس

والوادم نست

وبغيرنه اتسلت

وأول ما شفت طولك نسيت الصوت

وروحي بلاسبب بجفوفك افتلت

ياكمرة حياتي البعد ما هلت . .

يا انت . . وكفاني اتوهدنت وياك

تحسبني . . وحسبتي وياك ما فلت

كلمن عرف وشره . . وشال منها الشال

وتعده العمر والوادم اندلت

هسه الراح راح . . وبين ايديك الروح

بس ذمه ابركبتك يوم لو سلت


--------------------------------------------------------------------------------

غريبة
--------------------------------------------------------------------------------


يا غريب اذكر اهلك - والكَالها

.. ابحجية ايتنكّت

هيّج اجروح الكَلب .. والعين ..

كت مهضوم .. كتت

ذكروّها .. واعادة اليذكر يحن ..

والروح .. لاهل الروح حنّت

ونتّ .. اوماظن مثل ونها .. الصخر

.. خنساه ونّت

صبّرتها .. اوكابرت عالظيم .. والكابر

.. يظل بسكوت .. ينهت

طاحت ، اوفوك الفشل .. بمصابها

الشامت .. تشمت

شلون ذلت .... ؟

اخ ياروحي .. الكّبل جانت عزيزة

شلون ذلت .. ؟.

ملت امن اونينها .. او عذّالها

امن اللوم ملّت

واصبحت .. مثل الرشة المتروك

من يشله .. جليبة

اوحنت .. اوعاداة المحبين ..

لو حن المحب .. يطلب حبيبه يالتريدين

الولف .. ولف الجفاج .. امنين اجيبه

كافي غيبه .. كافي .. جلمات العتب

عالناس .. ياروحي الغريبة

يالمثل دلّه استوت بوجاغ ما يخمد لهيبه ..

يالتظنين .. ابعظم بلواج .. ما صارت مصيبه

هذا سهمج .. والسهم لوعات

والخانه الوكت يرضه بنصيبه

او هذا طبع الناس .. بيهم بلاوفه

اوبيهم وفي .. اتجيبه الحليبه

وانتي لا جف الينشف العين .. لا دار

الولف .. يمج جريبه

يالحسرتج . حسرة المجبود .. وادموعج

تبدّت

يالعلى اجروحج .. اعز الناس ..

من شافت ، تشمت

يالتظنين الشمل .. يلتم ..

شمل عزّج .. تشتت


[u]

الف شكررررررررررررررررررررر