أبــــوذيــــات

ثلاثه وربعه وثنين تسعه
ونارك ياحلو الطول بالقلب تسعه
بين عيونه وحاجبه هلال تسعه
ويارب يستر لو طل وجه عليه

****************************
سجاجين الوكت بالروح بردن
وحس الجسم وكت الصيف بردان
أنه بردنين رحت وارد بردان
واخاف الغربة تاخذ حتى اديه

****************************

[/b] تذوب الروح مشتاقة لهلها

ودموع الشوق بغيابك لهلها

شحال الدار لو راحو اهلها

جاوبني يا هل مبعد عليا

احبك من صغر عودي وسني

ومن حبك سقط شعري وسني

على حالي بكى شيعي وسني

وثالثهم مسيحي يون عليا

مشكورعلى الابوذيات

حلو إسمك وأبوك شلون سماك
حبيبك لو زعل وياك سماك
صرت سمچه وانت الصرت سماك
لو طحت بحنانك إعطف عليه

ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ما وصلنا له لا .. بسنه
تزعل ليش يمدلل عليــــه ؟
************************
شــــكري لخفايا الروح على الأبوذيات
وحقيقة انا اللي ذبت بخفايا روحج

عليك اسأل يصاحب وانت سالم
كل الذهب مغشوش وانت سالم
كلي شوكت نتلاكه ونتسالم
ومن خدك آخذ بوسة قوية

عداوات الوكت وياي ... عادن
وعليه افلام يابه افلام ... عادن
بطولة يسرى هم وياهه ... عادن
امام

** مريض ويا مرض مجنون لو سال**
**الدمع يحرك الخدين لو سال**
**اشيصير المحب عالمحبوب لو سال**
** ترد روحة ولو دونة المنية**

مشكورين لمروركم وهاي ابوذية لعيون اعضاء المنتدى
********************************************
جمر دمعي على خدودي ترى سال
كطعََت اخبارك حبيب تراسل
انا انسليت من هجرك ترى سل
وتون الروح وتريد المنيه

تون بس ونه لا محزن ولا حاد
ولا سبت اليمر تنشد ولا حاد
كل مطرود اله مده ولا حاد
وطردهن ظل وراي سويحليه

بيادر شوگ حبي. لونه منك
اثاري الورد ماخذ. لونه منك
شفايف هيچ عندي . لو انه منك؟
ابيع الربع بوسه ابخمسميه

****************************

يدنية وياي بعد وبعد جدي
وعلي صيحي بعالي ألصوت جدي
هجمتي بيت أبوي وبيت جدي
وأنة إبلا بيت شتهدمين بية

نفسي اعرف شو معنى أبوذيات

صديقي وياي صاير مستحيله
وانه المايستحيلي مستحيلة
عشرتي وياك صارت مستحيلة
وانة الممنون اذا تكط الجية

مما راق لي هههه

زماني اشما لعب بيه .... ولا اهتم
والرادة عليه بسري .... ولا اهتم
بروحي شما تغيرتو ..... ولا اهتم
لان حبكم دوه لكل مرض ... بيه

********************************************

شكثر هم بدليلي يامه عانه
وتعذب يامه ويامه عانه
يعمي انته معاهم يا معانه
تهد وتفازع وتاهت عليه

محتـار بجمـالـه مـن أوصفـه
وصـافـي مـاي وجهـه مـن أوصفـه
أهـو الـدكتـور وآخـذ منـه وصفـه
علـى أيـده مـاطبـت طـاب علـى أديـه

********************************

أهداء لصمتي الوحيد

أثرها على القلب واضحة بصمّتك (بصمة الاصبع)

وسمع الكون طورشته بصمّ تك ( الصمت)

شلت الصبر مترهي بصمتك

لو صمين كان شليت البرية

القلب من ساعة الحبك هلك ليش
أحچي اوياك ماتحچي هلك ليش
اقتنعوا كل هلي بحبك هلك ليش
ماقنعوا بحبك ليش اليه
*****************************
لعيونك هاي... أوتار

تسلم تسلم

تدهور حالي من بعدك والأوضاع
أدور بالبخت حظي لو ضاع
تعال ودور الهاتف والأوضاع
يضل أسمك وضع لايك عليه..

بعض من اصدقائي الحقد ... بيهم
يخلون الكلب مجروح ... بي هم
اريد اتتركهم وءآخذلي ... بي هم
كامل مواصفات

لعيون الـ 5 هههههههه Razz

يالله

تراجي من الذهب لابس وساعة
وقميص من الخصر مابي وساعة
ساعة ينام المدلل وساعة
يفز مرعوب ليتة بين ادية

**********************
لعيونكم .........

ذكاء القلب كتب:: بعض من اصدقائي الحقد ... بيهم
يخلون الكلب مجروح ... بي هم
اريد اتتركهم وءآخذلي ... بي هم
كامل مواصفات

لعيون الـ 5 هههههههه يالله

خلبص واعدل بكيفك وشربك

وبان الظلم بعيونك وشربيك

اجرعك لو جنت حنظل واشربك

وما سامحك لو متت بين اديه

:suspect:

ههههههههههههه يمه الحقد اوتار
ههههههههههههههههههههههههههههههههههههههههههههههههههههههههههههههههههههههههههههههه

العقل بأمر الصديق ارجوك حكمه
وبدال النكته خلها تكون حكمه
اليغدر صاحبه مو مهم حكمه
المهم شلون نتلافه القضيه

ادري بيك خوش انسان فله
وفنك من تحل هل لغز فله
لعبت وياك لعب استون فيلا
وشياطينك حمر هجمو عليه

*****************************

تشجع استون فيلةمو

انا من مشجعي اليفربول
وومان يوناتد

***
اريد الطم وسوي اللطم بلوان
عليه ويصب دمع العين بالوان
انه اللي عليه اطبكن بالوان
شيبي والهوه محرب عليه

الكلب عاف البشر كلها والك راد
مشى وسافر تذكركم والك راد
عرب ما طيبوا علتي ولاكراد
دواي انت يهل مبعد علية

]افكر بيك يا حبي ولا نام
ولا غمض جفن عيني ولا نام
احب بس اكعد كبالك ولا نام
بعيد وشوفتك حسره عليه

قلبي ما رغب عقبك ولا حب
ولا فكر بحب غيرك ولا حب
مريض انا وما اريد ابرة ولا حب
بس شوفتك ترد الروح بية

عليّ ضحّكت شمّاتي ... والاغراب
وبجه حتى النسر لاجلي ... والاغراب
عجيبه انت شكثر قاسي ... والاغرب
ما اكدر اكرهك مو بديه
****************** لعيونك أبو رحيل